Admin
رئيس رابطة الكحرتة المصريه
عدد المساهمات : 345
تاريخ التسجيل : 27/01/2010
 | موضوع: فائدة لا اله الا الله  الأربعاء فبراير 10, 2010 12:13 pm | |
| بسم الله الرحمن الرحيم
لا اله الا الله
قال رسول الله صلى الله عليه وسلم
من مات على لا اله الا الله دخل الجنه
يسلام بجد ؟
سهله كده ؟
انت تفتكر ايه
مواعظ الاخره
عبد يوم القيامه اتحط على الميزان واتحطت سيئاته كانت جبال
فقال العبد انى هالك
فاعطاه الله جمله قالها فى الدنيا
قال العبد ربنا وماذا تفعل هذه الكلمات امام تلك الجبال من السيئات
اول ممسك العبد الجمله طارت كل السيئات وكتبله الجنه
برحمه من الله
شاف العبد الجمله لقاها لا اله الا الله
؟؟
تعرف انك اتخلقت فى الدنيا كلها عشان التوحيد
اتخلقت فى الدنيا عشان تقول لا اله الا الله
هيه اساس العباده
اساس العباده التوحيد
اول القرئان ووسط القرئان واخر القرئان التوحيد
سر القرئان = التوحيد
طيب مكلنا بنقول لا اله الا الله يبقى كلنا هنخش الجنه ؟؟
تؤتؤ
للاسف مدى استهترنا بربنا بقينا نقول كلام مش فهمينه
بقينا نقول كلامه و مش مؤمنين بيه
مين دلوقتى اما بيعيا مبيروحش للدكتور قبل ميقول يارب
مع انه المفروض يقول يارب الاول
مبيتوكلش على ربنا ابدا
(وان مرضت فهو يشفين )
محدش قرا القرئان ده خالص
طيب ايه العيب الى احنا بنقوله فى لا اله الا الله
التوحيد ليه شروط
عشان تقوله من قلبك عشان تبقى مؤمن عشات تعمل الى اتخلقت انت من اجله
شروط التوحيد ؟؟
يعنى ايه
اول حاجه لازم تبقى فاهم يعنى ايه هوه التوحيد يعنى ايه لا اله الا الله ولازم تعرف المعنى المنافى للجهل
يعنى ايه برده ؟؟
يعنى لا اله الا الله معناهه لا الله حقا له العباده الا الله
طيب محنا عارفين المعنى
وفيهه ايه عارف المعنى؟؟
وفيهه ايه بتوحد ربنا وبتقول لا الله الا الله وعارف ان ربنا هوه الاله
بس مش مؤمن بكلامك ده
من جواك بتسال هوه فعلا فى جنه وفى نار
هوه فعلا فى حاجه اسمهه يوم الحشر وهيبقى واقف فيهه من اول الفراعنه لحد الى بيتخنقو عشان مصر والجزاير
؟؟
تعرف يعنى ايه توحيد الربوبيه ويعنى ايه توحيد الالوهيه
؟؟
تعرف ان حتى ابليس موحد بربوبية ربنا
توحيد الربوبيه يعنى تعرف انه الله وحدة خالق السماء والارض
توحيد الالوهيه يعنى تعترف ان لا اله بحق الا الله
هوه الى هنعبده
حتى اما ابو لهب قال للرسول تبا لك اتريدنا ان نجمع الالهه الها واحد ؟؟
ابو لهب والكفار مش مكنوش بيقولو ان ربنا الى خلق الكون او فى رب اعلى مكنتش دى مشكلتهم
بس همه مشكلتهم انهم بيقولو ان مع اله اكتر من اله يستحقو العباده
يعنى بيوحدو بالربوبيه بس معندهم توحيد الالوهيه
عاوز تعرف ازاى تحب ربنا وتقول لا اله الا الله
لازم تعرف اولا يعنى ايه لا اله الا الله
تانى حاجه تحب ربنا ويبقى عندك يقين بيه
هتقول منا بحب ربنا ؟؟
مين فينا لو نزل عليه الوحى انه يدبح ابنه هيعمل كده ؟؟
والله مفى واحد فينا مؤمن بابتلاء ربنا
مين فينا بيحب ربنا اكتر من ابنه ؟؟
(ويتخذون من دون الله اندادا يحبونهم كحب الله )
حب الى تحبه برحتك يوم الحشر هتتحشر مع الى بتحبه
عندما سال احد الصحابه الرسول يا رسول الله متى الساعه
ساله رسول الله وماذا اعددت لها
قال له والله ما اعدت لها الا حب الله ورسوله
قال الرسول يحشر المرء مع من احب
ولو حبيت ربنا هتتحشر تحت عرشه تحت ظل ربنا يوم لا ظل الا ظله
مفيش شمس هيبقى فى ظل مين ؟
مين غير ربنا
مشكلتنا فاكرين ان الدين قصص
بس ده واقع هيحصل وبيحصل وحصل
فاكرين ان احاديث الرسول والحجات دى كلهه زى امثال بنشوفهه
وزى قصص الف ليله وليله عن الخير والشر بس دى مش قصص دى واقع
اوعى تفتكر ان الصلاه هيه سبيلك انك توصل وتبقى مؤمن الرسول صلى الله عليه وسلم اكثر من دعاء
الهم ثبتنى على دينك وثبت قلبى على ايمانك
عرفت ان الايمان مش بايدك انت الايمان نعمه من ربنا يهبهه لمن يشاء
بس ربنا اما بيدى الايمان لحد مستحيل ترجعه عن ايمانه
عاوز دليل
اصحاب الاخدود
لما قالو امنا برب الغلام
همه امنو بربنا فمفيش دقيقه يوم ممات الغلام وجم عزبوهم ورمهم واحد واحد فى الاخدود وفضلو ثابتين مع ان ايمانهم فى مفيش مكملش يوم
ربنا طالما اداهم ايمانه من عنده استحاله تشيله من جواهم
لازم يبقى عندك يقين بربنا
تالت حاجه من شروط لا اله الا الله التوكل على الله
سبب تانى احنا اتخلقنا عشانه
(ولقد خلقنا الانسان فى كبد )
الكبد هيه المشقه
الانسان اتخلق فى مشقه دايمه
تعرف ان ربنا مش محتاج يعرف انت هتتصرف ازاى فى الدنيا
ربنا عارف رد فعل كل واحد فينا
عارف هيكدب امتى وهيصدق امتى وهيزنى امتى
طيب ليه ربنا خلقنا طالما هوه عارف ؟
عاوز تعرف ليه
عشان يقيم عليك الحجه
ربنا اسم من اسمائه العادل
الرحيم
ربنا نزلك الارض الاول عشان متجيش يوم القيامه وتقول يارب انا كنت هؤمن بيك بس انت مدتنيش امتحان
اعرف ان الدنيا امتحان
والله كلهه ابتلائات
فى مصيبه عندنا بنفسر ان الابتلاء ده يعنى مصيبه لاء بالله عليكم بلاش جهل اسمع الايه الكريمه
(فاما الانسان اذا ما ابتلاه ربه فاكرمه ونعمه فيقول ربى اكرمن )
ده ابتلاء بالنعمه
ربنا قالك ابتلاه اهو بلوه
يعنى البلوه مش شرط يكون مصيبه
امال يعنى ايه بلوه
بلوه يعنى اختبار
اختبارات ربنا فى الارض
كل الدنيا اختبارات
هتقول هوه فى خير بلوه هقولك اه
اوعى تفتكر ان الغنى ده مش عليه بلوى
ده بلوتك اكبر منك
اوعى تفتكر ان صاحب المسئوليه معلهوش بلوه
بلوته اكبر منك
اختبار ربنا ليه اكبر منك
وبعدين ياخى بالله عليك فكر
اذا كان الانبياء الى همه اقرب الناس لربنا ربنا ابتلاهم الى ربنا قاله فيهم ادبح ابنك
وسيدنا ابراهيم اما امره ربنا يسيب سيدتنا هاجر فى الصحرا
عند الصفا والمروه
تعرفه قصة سيدتنا هاجر
ربنا انزل على سيدنا ابراهيم الوحى يسبهه فى الصحرا وحيده هيه وطفلهه الوحيد فسالته اتتركنا فى ذلك المكان الموحش يا ابراهيم
فمردش فسالته هل امرك الله بذلك
فقال نعم
شوف بقى ردت عليه قالت ايه عشان تعرف مدى التوكل على الله
قالتله اذهب فلن يضيعنا الله
شوف الصبر على الابتلاء
ربنا بيبتليك عشان يشوف رد فعلك
الدنيا كلهه اختبار
اهلك فيهه اختبار صحتك اختبار مرضك اختبار فلوسك اختبار مسئوليتك اختبار
وبعدين بعد مقالت كده حصل ايه
ربنا ابتلاهه ابتلاء اكبر
وخلصت المايه من معاهه ومفيش مياه تسقى الرضيع
فضلت تدعى ربنا وسعت بين الصفا والمروه ومن هنه جيه السعى عرفت السعى جيه منين ؟
وبعدين نزل سيدنا جبريل من سابع سما وضرب فى الارض عشان يخرج ماء زمزم
ولولا انهه حوضت عليه لكان بقى نهر زمزم
عرفت التوكل على ربنا بيعمل ايه
فى كتاب المواعظ برده قصة عن عبد صالح ابتلاه ربنا ببلاء مرض صعب
فساله الملائكه ربنا لماذا ابتليت ذلك العبد الصالح بهذا البلاء فقال الله لاسمع صوته يدعونى
شوفت حكمة ربنا
خرج من هنه الدعاء
سبحان مستخرج الدعاء بالبلاء
مين فينا اما ربنا بيبتليه بمرض بيلجا لربنا
؟
اذا كان ربنا قالهالك صريحه فى القرئان
؟؟
(واذا مرضت فهو يشفين )
بالله عليك متخليش الدنيا تشدك واعرف انهه مجرد امتحان
عاوز تعرف ايه فايدة التوحيد
اما تنزل القبر اول سؤال ليك فى التوحيد
اما تنزل القبر لما الملكين هينزلو عليك ويقولولك من ربك
شوف هترد تقول ايه
لو مش عارف معنى التوحيد
لو معندكش يقين بربنا
لو مش بتحب ربنا
مش هترد
بنعلم اولدنا غلط
بنعلمهم ازاى يصلو اول حاجه
مع ان المفروض اول حاجه نعلمهم العقيده
نعلمهم مين ربنا
نعلمهم ازاى يحبو ربنا
بالله عليكم الى بيخاف على ابنو مش يشتريلو عربيه يشتريلو قرئان ويعلمه منه احسن
بالله عليكم الى بيخاف على ابنه يحاول ياخد بايده من النار
__________________  | |
|
